साढे १ क्विन्टल बढी गाँजा बोकेको स्कार्पियोसहित दुई जना पक्राउ

काठमाडौं । प्रहरीले साढे १ क्विन्टल बढी  ५ गाँजा र स्कार्पियोसहित दुई जनालाई पक्राउ गरेको छ। 

मोरङको जहदा गाउँपालिका-१ धुनीबस्तीबाट १ क्विन्टल ५५ किलोग्राम गाँजासहित सुनसरीस्थित  धरान उपमहानगरपालिका-१२ का २४ वर्षीय राहुल विक र धनकुटाको सहिदभूमि गाउँपालिका-६ का १९ वर्षीय सुरज राईलाई पक्राउ गरेको हो । 

जिल्ला प्रहरी कार्यालय मोरङबाट गएको टोलीले भारततर्फ जाँदै गरेको को.१ च ९५८२ नम्बरको स्कारपियोलाई जाँच गर्ने क्रममा उक्त गाँजा फेला पर्दा स्कारपियो चालक राहुल र स्कारपियोमा सवार सुरजलाई पक्राउ गरेको प्रहरीले जानकारी दिएको छ।

मोरङ प्रहरीले यस घटना बारेमा थप अनुसन्धान गरिरहेको जनाएको छ।