खैरो हेरोइन लिएर राजधानी आउँदै गरेका दुई युवक नागढुङ्गाबाट नियन्त्रणमा

काठमाडौं। प्रहरीले खैरो हेरोइनसहित काठमाडौं आउँदै गरेका दुई जनालाई काठमाडौंको सीमा नाकाबाट पक्राउ गरेको छ। 

जिल्ला प्रहरी परिसर काठमाडौंले दिएको जानकारी अनुसार चन्द्रागिरी नगरपालिका-२ नागढुङ्गाबाट खैरो हेरोइन कपिलवस्तु बाणगंगा नगरपालिका-३ बस्ने ३३ वर्षीय बसन्त बस्याल र सप्तरी तिलाठी कोईलाडी गाँउपालिका-२ बस्ने ३४ वर्षीय लाल कुमार मण्डललाई आज पक्राउ गरिएको हो।

प्रहरी प्रभाग नागढुङ्गा र लागूऔषध नियन्त्रण ब्यूरो शाखा कार्यालय नागढुङ्गाबाट खटिएको प्रहरीले काँकडभिट्टादेखी काठमाडौंतर्फ आउँदै गरेका बा.प्र ०१-००१ ख २८५६ नम्बरको बसमा सवार बसन्तलाई करिब २१ ग्राम र बा.प्र.०१-०१०६ ख ५६५२ नम्बरको बसमा सवार लाल कुमारलाई करिब १५ ग्राम खैरो हेरोइन  पक्राउ गरेको जिल्ला प्रहरी परिसर काठमाडौंले जनाएको छ।

प्रहरी यस घटना सम्बन्धमा थप अनुसन्धान गरिरहेको काठमाडौं प्रहरीले जानकारी दिएको छ।