एसएसपी अधिकारीले सम्हाले ललितपुर प्रहरी प्रमुखको जिम्मेवारी

काठमाडौं । प्रहरी वरिष्ठ उपरीक्षक (एसएसपी) श्यामकृष्ण अधिकारीले जिल्ला प्रहरी परिसर ललितपुरको कमाण्ड सम्हालेका छन् ।

पुस १७ गते ललितपुर प्रहरी प्रमुखका रुपमा सरुवा भएका एसएसपी अधिकारीले आजदेखि जिम्मेवारी सम्हालेको जिल्ला प्रहरी परिसर ललितपुरले जनाएको छ।

यसअघि शुदूरपश्चिम प्रदेश प्रहरी कार्यालयमा रहेका एसएसपी अधिकारी गत जेठ १८ गते एसएसपीमा बढुवा भएका थिए। 

एसएसपी अधिकारीलाई जिल्ला प्रहरी बाँकेको कमाण्ड गरिसकेको अनुभव छ।