६ वटा दुर्लभ जनावर सुन गोहोरोसहित दुई जना पक्राउ

मोरङ। आधा दर्जन दुर्लभ जनावर सुन गोहोरोसहित प्रहरीले दुई जनालाई पक्राउ गरेको छ। 

प्रहरी प्रधान कार्यालयले दिएको जानकारी अनुसार जिल्ला प्रहरी मोरङले विराटनगर महानगरपालिका-१३ मा पर्ने कोशी राजमार्गबाट दुई जनालाई आज बिहान पक्राउ गरेको हो।

पक्राउ पर्नेमा सुनसरी बर्जु गाउँपालिका-१ का ५८ वर्षीय बुद्धि ऋषिदेव र ५६ वर्षीय सुरेश ऋषिदेव रहेका छन् । प्रहरीले उनीहरुलाई भारतबाट विराटनगर आउँदै गरेको अवस्थामा ६ वटा सुन गोहोरोसहित पक्राउ गरेको हो।

पक्राउ परेका उनीहरू दुई जनालाई प्रहरीले आबश्यक अनुसन्धान र कारबाहीका लागि डिभिजन कार्यालय मोरङ पठाइएको प्रहरी प्रधान कार्यालयले जानकारी दिएको छ।