१८ वर्षीया किशोरीलाई बलात्कार गरेको आरोपमा २७ वर्षीय युवक पक्राउ

कैलाली। कैलालीको गौरीगंगामा १८ वर्षीया किशोरीलाई बलात्कार गरेको आरोपमा प्रहरीले एक युवकलाई पक्राउ गरेको छ। 

बलात्कारको आरोपमा पक्राउ पर्नेमा गौरीगंगा नगरपालिका-६ बनबेहडा बस्ने २७ वर्षीय अशोक भन्ने हरिराम चौधरी रहेका छन् ।

हरिरामले ती किशोरीलाई बलात्कार गरेको गरेको भन्ने उजुरीका आधारमा जिल्ला प्रहरी कार्यालय कैलालीबाट खटिएको प्रहरीले उनलाई  आइतबार साँझ पक्राउ गरेको हो ।

कैलाली प्रहरीले यस सम्बन्धमा हरिरामको जिल्ला अदालत कैलालीबाट म्याद थप गरेर जबरजस्ती करणी कसुरमा थप अनुसन्धान गरिरहेको जानकारी दिएको छ।