पश्चिम नवलपरासीमा दुर्घटना न्यूनिकरणका लागि ट्राफिक प्रहरीको जनचेतना कार्यक्रम

पश्चिम नवलपरासी । पश्चिम नवलपरासी  ट्राफिक प्रहरीले दुर्घटना न्यूनिकरणका लागि आज सचेतनामूूलक प्रशिक्षण कार्यक्रम गरेको छ। 

नवलपरासी ट्राफिक प्रहरीले जिल्लाका विभिन्न स्थानमा दुर्घटना न्यूनिकरणका लागि ट्राफिक सचेतना अन्तर्गत चालक, सह-चालक, विद्यार्थी , पैदलयात्री लगायतलाई ट्राफिक नियम, लेन अनुशासन, दुर्घटना लगायतका बारेमा सचेतना प्रशिक्षण दिएको जानकारी दिएको छ।

विशेष गरेर स्कुले विद्यार्थीहरु र पैदलयात्रीलाई यो नियम जानकारी गराउन २२५ जनालाई दुर्घटना न्यूनिकरणका लागि ट्राफिक सचेतना कार्यक्रम गरेको नवलपरासी ट्राफिक प्रहरीले जनाएको छ।

ट्राफिक प्रहरीका अनुसार यो कार्य जिल्लाभर निरन्तर रहिरहने र दुर्घटना न्यूनिकरणका लागि जिल्लाभर ट्राफिक सचेतना सम्बन्धि पोस्टर तथा पम्लेट वितरण गरिरहेको छ।