ललितपुरको अवैध कल सेन्टरमा सीआईबीको छापा, ५३ जना पक्राउ,विभिन्न पनि उपकरण बरामद

काठमाडौं । नेपाल प्रहरीको केन्द्रीय अनुसन्धान ब्युरो (सीआईबी) ले ललितपुरस्थित अवैध कल सेन्टरमा छापा मारेको छ।

जिल्लास्थित सातदोबाटोमा रहेको कल सेन्टरमा छापा मार्दै सीआईबीले ५३ जनालाई पक्राउ गरेको छ।

सोमबार राति छापा मार्दै सीआईबीले उनीहरुलाई पक्राउ गर्दै विभिन्न उपकरण पनि नियन्त्रणमा लिएको जनाएको छ। 

सीआईबीको टोलीले पक्राउ गरेकाहरु मध्येमा तीनजना भारतीय र अरु सबै नेपाली नागरिक रहेका छन्  । विशेष सूचना पाएर गएको टोलीले छापा मार्दा त्यस स्थानबाट ८५ वटा ल्यापटपका साथै ८२ थान मोबाइल पनि बरामद गरेको सीआईबीले जानकारी दिएको छ।

उक्त कल सेन्टरमा कल सेन्टरका साथै अनलाइन जुवा र अन्य अवैध कार्य गर्दै बताइएको छ। सीआईबीले आज पक्राउ परेका सबैको म्याद थप गरेर अनुसन्धान अगाडि बढाउने जानकारी दिएको छ।