ड्युटीकै क्रममा प्रहरी सहायक हवल्दारको मृत्यु

काठमाडौं । नेपाल प्रहरी एक जना सहायक हवल्दारको ड्युटीका क्रममा मृत्यु भएको छ। डोटीको इलाका प्रहरी कार्यालय बिपिननगरमा कार्यरत प्रहरी सहायक हवल्दार बहादुर सिंह पालीको आज बिहाअ ड्युटीका क्रममा मृत्यु भएको प्रहरी प्रधान कार्यालयले जानकारी दिएको छ।

प्रहरी प्रधान कार्यालयक अनुसार डडेल्धुरास्थित भागेश्वर गाउँपालिका-५ स्थायी घर भएका सहायक हवल्दार पालीको आज बिहान एक्कासी बेहोस भएका उनको अस्पतालमा मृत्यु भएको हो।

ड्युटीमै रहेका बेला आज बिहान ४ बजे एक्कासी छाती दुखेर बेहोस भएका उनलाई अस्पतालमा लगिएपनि मृत्यु भएको प्रहरीले जानकारी दिएको छ।

पालीको बिहान सेती प्रादेशिक अस्पताल डोटीमा लगिए पनि चिकित्सकले मृत घोषणा गरेका थिए।