सल्यानमा सहोदर दिदीबहिनी घरभित्र मृत भेटिए

सल्यान । सहोदर दिदीबहिनी घरभित्र मृत फेला परेका छन् । सल्यानको बनगाड कुपिण्डे नगरपालिका-११, सिस्नेपालत गाउँकी ३ वर्षीय करिष्मा राना र  उनकी ६ महिनाकी बहिनी राघवी राना मृत् फेला परेको जिल्ला प्रहरी कार्यालय सल्यानले जानकारी दिएको छ।

प्रहरीका  अनुसार घटना आज बिहानको हो । उनीहरुका बाबु टेकमान राना रोजगारीका सिलसिलामा जिल्ला बाहिर रहेको र आमा पुर्णिमा राना घरमै भएपनि घटनाबारे अझै खुलिनसकेको उनको भनाइ छ ।

स्वास्थ्यमा कुनै समस्या नरहेको उनीहरु मृत अवस्थामा फेला परेकोले घटना शङ्कास्पद रहेको प्रहरीले जनाएको छ ।

प्रहरी भन्छ -‘घटना शङ्कास्पद नै छ, नजिकको प्रहरी गएर घटनास्थल सुरक्षित राखिरहेको छ,’ 'अनुसन्धानपछि मात्रै सबै कुरा भन्न सकिन्छ।'