नेभिगेशन
नेपाल प्रहरी

त्रिभुवन अन्तर्राष्ट्रिय विमानस्थलबाट अवैध विदेशी मुद्रासहित इरानी दम्पती पक्राउ

काठमाडौं । त्रिभुवन अन्तर्राष्ट्रिय विमानस्थलबाट अवैध रुपले लुकाई छिपाई विदेश लैजान लागिएको विदेशी मुद्रासहित विमानस्थल प्रहरीले दुई ईरानी नागरिकलाई पक्राउ गरेको छ।

विमानस्थल प्रहरीले ४० वर्षीय याजदायार माझिदियाही र उनकी ३५ वर्षीया श्रीमती पेगाह ताहेरीलाई त्रिभुवन विमानस्थलबाट श्रीलंकन एयरको उडानदेखि  श्रीलङ्का जान लागेको समयमा विमानस्थलको अन्तर्राष्ट्रिय उडानतर्फको प्रस्थान होल्ड ब्यागेज चेकिङ गर्ने क्रममा ह्‍याण्ड ब्यागमा विभिन्न दरका गरी जम्मा १२ हजार ५ सय अमेरिकी डलर, विभिन्न दरका गरी जम्मा ४ हजार २ सय पाउण्ड स्टरलिङ, १ हजार ७ सय ५० युरो, १६ हजार ५ सय युएई दिराम, ८ हजार ८ सय भारतीय रुपैयाँ र ८ लाख ४० हजार श्रीलंकन रूपी फेला पारी दुवै जनालाई पक्राउ गरेको हो । 

विमानस्थल प्रहरीले पक्राउ परेका उनीहरु दुबैलाई बरामद गरिएको विदेशी मुद्रासहित आबश्यक अनुसन्धानका लागि राजस्व अनुसन्धान विभाग पुल्चोक पठाएको हो।

 

प्रकाशित मिति:
प्रतिक्रिया दिनुहोस्