लागुऔषधविरुद्ध प्रहरीको याक्सन: ब्राउन सुगरसहित ७ जना पक्राउ

काठमाडौं । नेपाल प्रहरी लागुऔषधको कारोबार ध्वस्त पार्ने उदेश्यका साथ कारोबारी र प्रयोगकर्तालाई धमाधम पक्राउ गरिरहेको छ। जसअन्तर्गत प्रहरीले ७ जनालाई लागुऔषधसहित पक्राउ गरेको छ।

झापा: मेचीनगर नगरपालिका-६ स्थित पुरानो मेचीपुलबाट प्रहरीकै ४ ग्राम  खैरो हेरोइन सहित पाँचथर मिक्लाजुङ गाउँपालिका-४ रवि बस्ने ३१ वर्षीय दिल प्रसाद राई र २९ वर्षीया स्मारिका नेम्बाङलाई मंगलबार राति प्रहरीले पक्राउ गरेको हो । लागुऔषध नियन्त्रण ब्यूरो काँकडभिट्टाबाट खटिएको प्रहरीले भारतबाट सिटि सफारीमा नेपालतर्फ आउँदै गरेका उनीहरूलाई उक्त पदार्थ सहित पक्राउ गरेको हो । 

पर्सा: वीरगञ्ज महानगरपालिका-२० हरपतगञ्जबाट आधा क्विन्टल गाँजा  सहित बहुदरमाई नगरपालिका-१ विश्रामपुर बस्ने ४० वर्षीय पारस यादवसहित ४ जनालाई मंगलबार राति प्रहरीले पक्राउ गरेको छ । जिल्ला प्रहरी कार्यालय पर्साबाट खटिएको प्रहरीले उनीहरूलाई  गाँजा सहित पक्राउ गरेको छ ।  

कैलाली: प्रहरीले  धनगढी उपमहानगरपालिका-१ बसन्तटोलबाट ५ सय मिलिग्राम  ब्राउनसुगर  सहित सोही ठाउँ बस्ने ३१ वर्षीय गोरे सुनारलाई मंगलबार राति प्रहरीले पक्राउ गरेको छ । जिल्ला प्रहरी कार्यालय कैलालीबाट खटिएको प्रहरीले उनलाई उक्त पदार्थ सहित पक्राउ गरेको हो । 

यस सम्बन्धमा प्रहरीले आवश्यक अनुसन्धान गरिरहेको प्रहरी प्रधान कार्यालयले जनाएको छ।