अमेरिकाको भर्जिनियामा कार पोखरीमा डुब्दा दुई नेपालीको मृत्यु

काठमाडौं । दुई जना नेपाली नागरिकको कार दुर्घटनामा अमेरिकामा मृत्यु भएको छ।

गैर आवासीय नेपाली संघ अमेरिका  (एनआरएनए अमेरिका ) ले दिएको अनुसार कार दुर्घटनामा २० वर्षीय निश्चल भट्ट र ५५ वर्षीय कर्ण खड्काको मृत्यु भएको हो।

उनीहरुको अमेरिकास्थित भर्जिनिया राज्यको स्यान्टिलीमा कार पोखरीमा डुब्दा मृत्यु भएको एनआरएनएले जनाएको छ। गत ९ जनवरी बिहीवारका दिन एक होटेल बाहिर रहेको पोखरीमा कार फेला पर्दा उनीहरु नेपाली रहेको पहिचान खुलेको थियो।

एनआरएनएका अनुसार हिउँ जमेको पानीमा कार डुब्दा भट्ट र खड्काको मृत्यु भएको थियो।