बर्दियाको गणेशपुरबाट ब्राउन सुगरसहित सुर्खेतका प्रेम पक्राउ

बर्दिया। बर्दियाको गणेशपुरबाट प्रहरीले ब्राउन सुगरसहित एक जनालाई पक्राउ गरेको छ। जिल्ला प्रहरी कार्यालय बर्दियाको टोलीले ब्राउन सुगरसहित सुर्खेतका ५० वर्षीय प्रेम पन्तलाई आज बिहान पक्राउ गरेको हो।

बर्दिया प्रहरीका अनुसार गुलरिया नगरपालिका-११ गणेशपुरबाट ३ ग्राम ७ सय मिलिग्राम सहित सुर्खेतको बीरेन्द्रनगर नगरपालिका-४ भैरव स्थान बस्ने ५० वर्षीय प्रेमलाई आज बिहान प्रहरीले पक्राउ गरिएको हो।

प्रेमलाई प्रहरी चौकी महम्मदपुरबाट खटिएको टोलीले भारतबाट नेपालतर्फ आउँदै गरेको बेला ब्राउन सुगर सहित पक्राउ गरेको जिल्ला प्रहरी बर्दियाले जानकारी दिएको छ।

थप अनुसन्धानका लागि प्रहरी चौकी महम्मदपुरले पक्राउ परेका प्रेमसहित बरामद गरिएको ब्राउन सुगरलाई जिल्ला प्रहरी कार्यालय बर्दिया पठाएको छ।