आफ्नै श्रीमतीको हत्या गर्ने श्रीमान पक्राउ

रूपन्देही। आफ्नै श्रीमतीको हत्या आरोपमा प्रहरीले एक जनालाई पक्राउ गरेको छ।

रुपन्देहीमा ४० वर्षीया श्रीमती  कमला सेन खड्काको हत्या गरेको आरोपमा  देवदह नगरपालिका-८ टटेरा बस्ने ४६ वर्षीय रूद्र बहादुर खड्कालाई प्रहरीले पक्राउ गरेको छ । 

गए राति घरायसी विषयमा झै-झगडाको क्रममा रूद्र बहादुरले धारिलो हतियार चक्कु प्रहार गर्दा कमला गम्भीर घाइते भएको भन्ने खबर प्राप्त हुनासाथ प्रहरी चौकी खैरेनीबाट खटिएको प्रहरीले उनलाई पक्राउ गरेको हो । गम्भीर घाइते भएकी कमलाको देवदह मेडिकल कलेज भलुहीमा उपचारको क्रममा मृत्यु भएको हो । 

यस सम्बन्धमा प्रहरीले थप आवश्यक अनुसन्धान गरिरहेको जिल्ला प्रहरी कार्यालय रुपन्देहीले जानकारी दिएको छ।