शिकार खेल्न जाँदै गर्दा बन्दुकसहित ५ जना पक्राउ

सुनसरी। शिकार खेल्न जाँदप्र गरेको अवस्थामा प्रहरीले धरान उपमहानगरपालिका-१९ हरियाली चारकोसे जंगलबाट १ थान भरूवा बन्दुकसहित ५ जनालाई पक्राउ गरेको छ।

प्रहरीले बन्दुकसहित फलामको ३ थान  गोली, २ थान टोटा बन्दुकको गोली ,  बारूद र एउटा खुकुरी सहित इटहरी उपमहानगरपालिका-१३ बस्ने ३५ वर्षीय ज्योतिष चौधरी समेत ५ जनालाई गए राति प्रहरीले पक्राउ गरेको छ । 

इलाका प्रहरी कार्यालय धरानबाट खटिएको प्रहरीले धरानबाट रासतालतर्फ जाँदै गरेको बा.४ च ४३३ नम्बरको कारलाई जाँच गर्दा उक्त हातहतियार फेला पारी कारमा सवार उनीहरूलाई पक्राउ गरेको हो । 

यस सम्बन्धमा प्रहरीले आवश्यक अनुसन्धान गरिरहेको जनाएको छ।