ब्राउन सुगरसहित एक युवक सशस्त्र प्रहरीको नियन्त्रणमा

काठमाडौं । सशस्त्र प्रहरीले ब्राउन सुगरसहित एक युवकलाऐ पक्राउ गरेको छ।

सुनसरीस्थित सशस्त्र प्रहरीले सीमा नाकाबाट १.५४ ग्राम ब्राउन सुगरसहित २२ वर्षीय युवकलाई पक्राउ गरेको जनाएको छ।

सशस्त्र प्रहरीका अनुसार बिओपी लौकहीको टोलीले ब्राउन सुगर र प्रतिवन्धित औषधि ९८ वटा नाईट्रेजेपाम ट्याब्लेटसहित कोशी गाउँपालिका-१  सीमा नाकाबाट रामधुनी नगरपालिका-१ बस्ने २२ बर्षिय युवकलाई नियन्त्रणमा लिएको हो।

बरामद गरिएको लागुऔषधसहित पक्राउ परेका युवकलाई आबश्यक अनुसन्धानका जिल्ला प्रहरी कार्यालय सुनसरी पठाइएको सशस्त्र प्रहरीले जानकारी दिएको छ।