नेभिगेशन
नेपाल प्रहरी

१४ वर्षीया बालिका बलात्कारको आरोपमा एक जना पक्राउ

काठमाडौं । १४ वर्षीया बालिकालाई बलात्कार गरेको आरोपमा प्रहरीले एक व्यक्तिलाई पक्राउ गरेको छ।

भोजपुरको हतुवागढी गाउँपालिका-८ पात्लेपानी बस्ने ४५ वर्षीय भक्त बहादुर थापालाई प्रहरीले बालिका बलात्कारको आरोपमा पक्राउ गरेको प्रहरी प्रधान कार्यालयले जनाएको छ।

प्रहरीका अनुसार थापाले ती बालिकालाई गत भदौ १० गते राति बलात्कार गरेको भन्ने उजुरीको आधारमा जिल्ला प्रहरी कार्यालय भोजपुरबाट खटिएको प्रहरीले उनलाई पक्राउ गरेको हो ।

यस सम्बन्धमा प्रहरीले आवश्यक अनुसन्धान गरिरहेको प्रहरी प्रधान कार्यालयले जनाएको छ।

प्रकाशित मिति:
प्रतिक्रिया दिनुहोस्