५ वर्षीया नाबालिकालाई बलात्कार गर्ने युवक पक्राउ

पर्सा। प्रहरीले ५ वर्षीया नाबालिगलाई बलात्कार गरेको आरोपमा एक जना पक्राउ गरेको छ।

आफ्नै दिदीको डेरामा बस्दै आएका २५ वर्षीय युवकले त्यही घरमा बस्ने नाबालिगलाई ४ दिन अगाडि बलात्कार गरेको प्रहरीले जनाएको छ।

नाबालिगलाई बलात्कार गरेको आरोपमा वीरगन्ज महानगरपालिका-३१ का निरञ्जन मण्डल पक्राउ गरेको पर्सा प्रहरीले जानकारी दिएको छ।

पर्सा प्रहरीले दिएको जानकारी अनुसार सोमबार बलात्कार भएको घटनाबारे उजुरी आए लगत्तै प्रहरीले ती युवकलाई पक्राउ गरेको हो।

प्रहरीले घटनाबारे थओ अनुसन्धान गर्दै मुद्दा प्रक्रियालाई अगाडि बढाइसकेको जनाएक्प छ।