क्यानडामा नेपाली छात्रामाथि नेपाली युवाहरुले गरे सामूहिक बलात्कार

काठमाडौं । नेपाली छात्रामाथि क्यानडामा सामूहिक बलात्कार घटनामा परेकी छिन् । एनआरएनए क्यानडाले दिएको जानकारी अनुसार ती छात्रामाथि गत डिसेम्बर २४ का दिन क्यानडाको ओन्टारियोमा  सामूहिक बलात्कार भएको हो।

एनआरएनएका अनुसार ती छात्रालाई नेपाली साथीहरुले घरमा बोलाएर सामूहिक बलात्कार गरेका थिए। ती छात्रालाई बेहोश हुने औषधि खुवाएर ७ घण्टासम्म बलात्कार भएको एनआरएनएले जनाएको छ।

क्यानडियन प्रहरीले बलात्कारमा संलग्न तीन जनालाई प्रहरीले पक्राउ गरेर दुई जनालाई जमानीमा छोडेको बताइएको छ। ती छात्रालाई एनआरएनए क्यानडाले उद्धार गरेर राखेको जनाएको छ।

सामूहिक बलात्कारमा परेकी ती छात्रालाई नेपालबाट बलात्कारमा संलग्नका युवाका आफन्तहरुले धम्की दिइरहेको एआरएनएले जानकारी दिएको छ। सँगै बस्ने साथीले पनि ती छात्रालाई साथ नदिएको अवस्थामा एनआरएनएले ती छात्रालाई साथ र सहयोग दिएको छ।