महाराष्ट्र रेल दुर्घटनामा मृत्यु भएका ७ नेपालीको सनाखत, एक जना बाँकेका

काठमाडौं । परराष्ट्र मन्त्रालयले भारतको महाराष्ट्र रेल दुर्घटनामा मृत्यु भएका ७ जना नेपाली नागरिकको सनाखत भएको जनाएको छ। 

आज मन्त्रालयले एक विज्ञप्ति जारी गर्दै ७ जना नेपालीको सनाखत भएको जानकारी दिएको छ। मन्त्रालयले दिएको जानकारी अनुसार मृतकहरु सुदूरपश्चिम र लुम्बिनी प्रदेशका रहेका छन् ।

मृत्यु हुनेहरुमा बाँकेका राधेश्याम राध, कैलालीका कमला नवीन भण्डारी, लछिराम पासी, अछामका हिमु नन्द्रराम, विश्वकर्मा, नन्दराम पद्य विश्वकर्मा,मौसरा कामी विश्वकर्मा, जोक्ला कला कामी रहेका छन् ।

दुर्घटनामा ४ जना नेपाली घाइते भएका छन् भने एक जनाको अवस्था गम्भीर रहेको मन्त्रालयले जानकारी दिएको छ। उनीहरुको महाराष्ट्रको जलगाउँ अस्पतालमा उपचार भइरहेको परराष्ट्र मन्त्रालयले जनाएको छ।

मन्त्रालयका अनुसार माघ ९ (बुधबार ) साँझ महाराष्ट्रको जलगाउँ जिल्लामा भएको रेल दुर्घटनामा ७ जना नेपाली र ५ जना भारतीय नागरिकको मृत्यु भएको थियो।