कैचीले हानेर भाइले गरे आफ्नै दाइको हत्या

काठमाडौं । आफ्नै भाइले सहोदर दाइको हत्या गरेका छन् । कैलालीको धनगढी-१७ स्थित ३० वर्षीय भाइ प्रकाश बोहराले आफ्नै दाइलाई कैचीले हानेर हत्या गरेका हुन् ।

प्रकाशले गए राति पौने १२ बजेतिर आफ्नै दाइ लालबहादुरको घाँटीमा कैचीले हानेर हत्या गरेको जिल्ला प्रहरी कार्यालय कैलालीले जानकारी दिएको छ।

भाइले कैचीले हानेर गम्भीर घाइते भएका दाइ लालबहादुरको मिसन अस्पताल धनगढीमा आज बिहान ३ बजेतिर मृत्यु भएको कैलाली प्रहरीले जनाएको छ। प्रहरीले भाइ प्रकाशलाई घटना भएको केहीबेरमै पक्राउ गरेको थियो।

प्रहरीले दिएको जानकारी अनुसार सामान्य विवादमा प्रकाशले दाइलाई कैचीले हानेर गम्भीर घाइते बनाएका थिए। कैलाली प्रहरीले प्रकाशसँग थप अनुसन्धान गरिरहेको जानकारी दिएको छ।