हुस्सु र कुहिरोमा दुर्घटनाबाट बच्न बाँके ट्राफिकले दिदै सचेतना कक्षा

कोहलपुर । बाँके  ट्राफिक प्रहरीले कोहलपुरले दुर्घटना न्यूनीकरणका लागि बाँकेको कोहलपुर लगायतका स्थानमा विद्यार्थी र सर्व साधारण नागरिकलाई ट्राफिक सचेतना कक्षा दिएको छ।

जिल्ला ट्राफिक प्रहरी कार्यालय कोहलपुर र मातहतका युनिटको आयोजनामा अहिलेको जाडो समयमा हुस्सु र कुहिरोले हुने सवारी दुर्घटना न्यूनीकरण गर्ने उद्देश्यका साथ  जिल्लाका विभिन्न विद्यालयका विद्यार्थी  र विभिन्न स्थानहरुमा स्थानीयलाई भेला गराइ सचेतना दिइएको बाँके ट्राफिक प्रहरी प्रमुख प्रहरी निरीक्षक पुष्कर पन्तले जानक?दिए।

प्रहरी निरीक्षक पन्तका अनुसार ट्राफिक सचेतना अन्तर्गत सवारी दुर्घटना न्युनिकरणका लागी सडक प्रयोगकर्ता, चालक तथा सह-चालक, विद्यार्थीहरु ,नयाँ चालकहरु, सर्वसाधारणहरुलाई ट्राफिक नियम, लेन अनुसाशन, सवारी दुर्घटना कारणहरु ,सवारी दुर्घटनाबाट बच्ने उपाय लगायतका विषयमा सचेत दिइएको हो।

ट्राफिक प्रहरीले अहिलेको समयमा रात र दिनको समयमा हुस्सु कुहिरो, शीतलहर चलेको बेलामा सवारी चलाउदा ध्यान दिनु पर्ने कुराहरु लगायतका विषयमा सचेतना दिएको पन्तले बताए।

दिनहुँजसो ट्राफिक प्रहरी बाँकेले दुर्घटना न्यूनीकरणका लागि सचेतना कार्यक्रम गर्दै आएको छ।