कैलालीको जोशीपुरमा किशोरीमाथि सामूहिक बलात्कार, दुई युवक पक्राउ, दुई जना भारत फरार

काठमाडौं । १५ वर्षीया किशोरीमाथि कैलालीको जोशीपुर गाउँपालैकामा सामूहिक बलात्कार भएको छ।जिल्ला स्थित जोशीपुर-६ की ती किशोरीमाथि सामूहिक बलात्कार गरेको आरोपमा प्रहरीले दुई युवकलाई पक्राउ गरेको छ भने दुई जना भारत फरार भएका छन् ।

जिल्ला प्रहरी कार्यालय कैलालीका अनुसार बलात्कार गरेको आरोपमा इलाका प्रहरी कार्यालय भजनीले जोशीपुर गाउँपालिका-१ का  १८ वर्षीय कुशल चौधरी  र १८ वर्षीय सुमन डगौरालाई पक्राउ गरेको छ।

ती चार युवकहरुले गत मंसिर २२ गते सामूहिक बलात्कार गरेको भएपनि ढिलो मात्रै प्रहरीमा उजुरी परेको कैलाली प्रहरीले जानकारी दिएको छ भने घटनामा संलग्न भएर भारत फरार भएकाहरुमा जोशीपुर-१ कै १८ वर्षीय राजकुमार चौधरी र १९ वर्षीय आशिक चौधरी हुन् ।

कैलाली प्रहरीले घटनाको थप अनुसन्धान सुरु गर्दै फरार भएका दुई युवकहरुको खोजीकार्य जारी राखेको जनाएको छ।