दुई वटा गोदाममा सशस्त्र प्रहरीको छापा, आधा करोड बढीको कपडा र हार्डवेयरका सामान बरामद

काठमाडौं । सशस्त्र प्रहरीले वीरगन्जबाट आधा करोड रुपैयाँ बढीको लत्ताकपडा र हार्डवेयरका समान बरामद गरेको छ।

प्रस्तावित सीमा सुरक्षा गुल्म  र  वीरगन्ज भन्सार कार्यालयबाट गएको संयुक्त टोलीले  आज वीरगन्ज महानगरपालिका–१० आदर्शनगरका दुई वटा गोदाममा छापा मार्दै अबैध रुपले भणडारण गरिएको ५० लाख ९३ हजार ७ सय रुपैयाँ बराबरको लत्ताकपडा तथा हार्डवेयरका समान बरामद गरेको सशस्त्र प्रहरी प्रधान कार्यालयले जानकारी दिएको छ।

सशस्त्र प्रहरीका अनुसार गोदामबाट बरामद गरिएको  ४९ लाख ७२ हजार २ सय रुपैयाँको लत्ताकपडा र १ लाख २१ हजार ५ सय रुपैयाँ बराबरको हार्डवेयरका सामान  रहेका छन् ।

सशस्त्र प्रहरीले बरामद गरेको सवै अवैध  सामानलाई आवश्यक कारवाहीको लागि वीरगन्ज भन्सार कार्यालय  पर्सामा बुझाएको जनाएको छ।