भारत लैजाँदै गरेको १ किलो चरेससहित ३० वर्षीया महिला पक्राउ

कपिलवस्तु । भारत लैजान लागिएको १ किलो बढी चरेससहित प्रहरीले एक महिलालाई पक्राउ गरेको छ।

कपिलवस्तु प्रहरीले भारतस्थित उत्तरप्रदेश बस्दै आएकी  ३० वर्षीय सरस्वती बिकलाई १ किलो  २५ ग्राम चरेससहित पक्राउ गरेको जानकारी दिएको छ।

जिल्ला प्रहरी कार्यालय कपिलवस्तुका अनुसार सरस्वतीलाई कृष्णनगर नगरपालिका-३ हुँदै पैदलमार्ग भएर भारत लैजान लागिएको उक्त चरेससहित पक्राउ गरेको हो।

पक्राउ परेकी सरस्वतीलाई म्याद थप गरेर लागुऔषध कसुरमा थप अनुसन्धान गरिरहेको कपिलवस्तु प्रहरीले जानकारी दिएको छ।