नेभिगेशन
सुरक्षा अपडेट

प्रेमिका भेट्न् गएका प्रेमीको कुटपिटबाट हत्या भएको आशंका

काठमाडौं । प्रेमिका भेट्न गएका प्रेमीको नै हत्या भएको छ। सिन्धुपाल्चोकस्थित भोटेकोशी गाउँपालिका-२ मा प्रेमिका भेट्न् गएका २२ वर्षीय दिनेश विकको हत्या भएको हो।

सिन्धुपाल्चोक प्रहरीले  प्रेमिका भेट्न पुगेका  भोटेकोशी गाउँपालिका-१ कोदारीका  दिनेशलाई गाउँलेको सामुहिक कुटपिटबाट मृत्यु भएको हुन सक्ने आशंका गरेको छ।

भोटेकोशी-२ भ्यु पोइन्ट नजिक गम्भीर घाइते अवस्थामा प्रहरीले फेला परेका  दिनेशलाई उपचारका लागि बाह्रबिसे अस्पताल लैजाने क्रममा मृत्यु भएको जिल्ला प्रहरी कार्यालय सिन्धुपाल्चोकले जानकारी दिएको छ।

प्रहरीको प्रारम्भिक अनुसन्धानमा दिनेशले प्रेमिका भेट्न् गएको बुझिएको प्रहरीले जनाएको छ भने दिनेशकी प्रेमिकालाई प्रहरीले सोधपुछ गरिरहेको छ।  

प्रहरीले उक्त घटनाको बारेमा थप अनुसन्धान सुरु गरेको जिल्ला प्रहरी कार्यालय सिन्धुपाल्चोकले जानकारी दिएको छ।

 

 

प्रकाशित मिति:
प्रतिक्रिया दिनुहोस्