दुईवटा बन्दुकसहित एक भारतीय र दुई नेपाली पक्राउ

कैलाली। प्रहरीले कैलालीबाट दुई वटा भरुवा बन्दुकसहित एक भारतीयसहित तीन जनालाई पक्राउ परेको छ। 

जिल्ला प्रहरी कार्याल कैलालीले दिएको जानकारी अनुसार धनगढी उपमहानगरपालिका-१८ एफ गाउँबाट दुई वटा भरुवा बन्दुक र एउटा चक्कुसहित तीन जनालाई पक्राउ गरेको हो।

पक्राउ पर्नेमा धनगढी उपमहानगरपालिका-१९ का ३९ वर्षीय गुरू प्रसाद चौधरी, भारतको लखिमपुर खिटी नउसर गुलरियाका ३२ वर्षीय रियासत अली र ४० वर्षीय देसराज राना रहेका छन् ।   

उनीहरुलाई सुदूरपश्चिम प्रदेश प्रहरी कार्यालय धनगढी, नेपाल प्रहरी प्रदेश कार्यालय महेन्द्रनगर कञ्चनपुर र जिल्ला प्रहरी कार्यालय कैलालीबाट खटिएको प्रहरीले पक्राउ गरेको हो । 

कैलाली प्रहरीले हातहतियार मुद्दामा थप अनुसन्धान अगाडि बढाएको जानकारी दिएको छ।