टिपरले ठक्कर दिंदा मोटरसाइकल चालकको मृत्यु

लुम्बिनी । तिब्र गतिमा गुडेको टिपरको ठक्करबाट मोटरसाइकल चालकको मृत्यु भएको छ।

रुपन्देहीको बुटवलस्थित नेपालगन्ज रोडमा पूर्वबाट पश्चिमतर्फ आउँदै गरेको लु२ख ३३३६ नम्बरको टिपरको ठक्करबाट ४६ वर्षीय उमेश भण्डारीको मृत्यु भएको प्रहरीले जानकारी दिएको छ।

रुपन्देही प्रहरीका अनुसार उक्त टिपरले सोही दिशातर्फ जाँदै गरेको लु१प १५२८ नम्बरको मोटरसाइकललाई ठक्कर दिदा गम्भीर घाइते भएका तिलोत्तमा नगरपालिका-१६ का मोटरसाइकल चालक भण्डारीको उपचारका क्रममा मृत्यु भएको हो।

ठक्कर दिने टिपर चालकलाई नियन्त्रणमा लिएर थप अनुसन्धान अगाडि बढाएको जिल्ला प्रहरी कार्यालय रुपन्देहीले जानकारी दिएको छ।