१५ वर्षीया बालिका बलात्कारको आरोपमा ३४ वर्षीय युवक पक्राउ

काठमाडौं । १५ वर्षीया बालिकालाई बलात्कार गरेको आरोपमा प्रहरीले ३४ वर्षीय युवकलाई पक्राउ गरेको छ। पक्राउ पर्नेमा बझाङको खप्तडछान्ना गाउँपालिका-७ गडरायका ३४ वर्षीय विरेन्द्र रोकाया रहेका छन् ।

बलात्कारको उजुरीका आधारमा रोकायालाई जिल्ला प्रहरी कार्यालय बझाङबाट खटिएको टोलीले पक्राउ गरेको हो।

रोकायाविरूद्ध १५ वर्षीया बालिकालाई बलात्कार गरेको उजुरी छ। सोही उजुरीको आधारमा उनलाई पक्राउ गरिएको बझाङ प्रहरीले जनाएको छ। 

पक्राउ परेका रोकायासँग थप अनुसन्धान भइरहेको बझाङ प्रहरीले जानकारी दिएको छ।