नारायणी नदिमा हाम फालेकी महिलाको सशस्त्र प्रहरीद्वारा सकुशल उद्वार

काठमाडौं  । सशस्त्र प्रहरीले पूर्वी नवलपरासी जिल्लाको विनयी त्रिवेणी गाउँपालिका–७ स्थित नारायणी नदिमा हाम फालेकी महिलाको  आज सकुशल उद्वार गरेको छ ।

सशस्त्र प्रहरीका अनुसार जिल्लास्थित प्रतापपुर गाउँपालिका–३ सोमनीकी ३५ वर्षिया महिला अनिता हरिजन त्रिवेणी व्यारेजबाट नारायणी नदिमा हाम फालेकी हुन् ।

सशस्त्र प्रहरीले  घटनाबारे जानकारी पाए लगत्तै बिओपी विनयी त्रिवेणीबाट सशस्त्र प्रहरी निरीक्षक गणेश थापाको कमाण्डमा गएको टोलीले अनितालाई  सकुशल उद्वार गरेको हो ।

नारायणी नदिबाट सकुशल उद्वार गरिएकी अनितालाई उपचारको लागि त्रिवेणी स्वास्थ्य चौकीमा लगिएको सशस्त्र प्रहरीले जानकारी दिएको छ।