प्रहरीको ४५ दिने विपद् व्यवस्थापन आधारभूत तालिम सम्पन्न

काठमाडौं। राष्ट्रिय प्रहरी प्रशिक्षण प्रतिष्ठान महाराजगन्जको तत्वावधानमा नेपाल प्रहरी विपद् व्यवस्थापन कार्यालयमा संचालित ३५ औं समूहको विपद् व्यवस्थापन आधारभूत तालिम सम्पन्न भएको छ।

आज सम्पन्न तालिममा प्रमुख प्रहरी वरिष्ठ उपरीक्षक तारा देवि थापाले प्रशिक्षार्थीहरूलाई प्रमाणपत्र वितरण गर्दै प्रशिक्षार्थीहरूले तालिमबाट प्राप्त गरेका ज्ञान, सीप र दक्षतालाई आ-आफ्नो कार्य क्षेत्रमा जिम्मेवारी पूर्वक त्रुटिरहित ढंगबाट कार्य सम्पादन गर्नुपर्ने बताइन्  ।

कार्यक्रममा तालिम संयोजक प्रहरी नायव उपरीक्षक राम कुमार दानीले तालिम सम्बन्धि प्रतिवेदन प्रस्तुत गर्दै गत पुस १ गतेदेखि संचालित ४५ कार्यदिन अवधिको उक्त तालिममा प्रहरी निरीक्षक ३ जना, प्रहरी सहायक निरीक्षक १ जना, प्रहरी सहायक हवल्दार ४ जना र प्रहरी जवान २२ जना गरी कुल ३० जना प्रशिक्षार्थीहरूको सहभागिता रहेको जानकारी दिए ।