अवैध सुन लिएर आउँदै गरेका दुई भारतीय युवक प्रहरीको नियन्त्रणमा

काठमाडौं। प्रहरीले सुनसहित दुई जना भारतीय युवकहरुलाई पक्राउ गरेको छ।

काठमाडौंको चन्द्रागिरी नगरपालिका-२ नागढुङ्गाबाट करिब ३ सय १८ ग्राम सुन सहित भारतको महाराष्ट्र साङ्लीका २७ वर्षीय महेश अम्रुत मानी र  महाराष्ट्र सोलापुरकै  २४ वर्षीय राहुल खंडु सरकलाई पक्राउ गरेको हो।

नागढुङ्गामा खटिएको प्रहरी टोलीले काँकडभिट्टाबाट काठमाडौंतर्फ आउँदै गरेको बा.प्र.०१-००२ ख ०५४२ नम्बरको बसमा सवार उनीहरूलाई आज सुनसहित पक्राउ गरेको जिल्ला प्रहरी परिसर काठमाडौंले जानकारी दिएको छ।

प्रहरीले पक्राउ परेका दुबै भारतीय युवकहरुसँग थप अनुसन्धान गरिरहेको काठमाडौं प्रहरीले जनाएको छ।