साइबर अपराध घटना : साढे १० हजारबढी उजुरी दर्ता

काठमाडौं । गृह मन्त्रालयले  चालु आर्थिक वर्षको ६ महिनामा १० हजार ७ सय ७६ वटा साइबर अपराधसँग जोडिएका निवेदन दर्ता भएका छन्। 

सामाजिक सञ्जालको दुरुपयोग गरेर अपराध गर्नेहरूले सबैभन्दा बढी टेलिग्राम प्रयोग गरेको पाइएको छ। कुल १ हजार १ सय ८७ वटा निवेदन टेलिग्रामसँग जोडिएको दर्ता भएका छन्।

यस्तै, फेसबुक प्रयोग गरेर १ हजार ९८, इन्टाग्राम प्रयोग भएका ७ सय ३१ र टिकटकसँग जोडिएका १ सय ५३ वटा निवेदन दर्ता भएका छन्।

आव २०८०-८१ मा कुल १९ हजार ७ सय ३०, आव २०७९-८० मा ९ हजार १३ वटा साइबर अपराधसँग जोडिएका निवेदन दर्ता भएका मन्त्रालयले जनाएको छ।