नेभिगेशन
नेपाल प्रहरी

बाँके प्रहरी प्रमुखले गरे महिला कर्मचारीहरुसँग छलफल, 'पिरमर्काको समाधान खोजिने': एसपी कार्की

बाँके जिल्ला प्रहरी कार्यालय बाँकेले महिला प्रहरी कर्मचारीहरुसँग छलफल गरेको छ। 

बाँके प्रहरी प्रमुख एसपी तुलबहादुर कार्कीले आज जिल्ला प्रहरी बाँके मातहतका महिला प्रहरी कर्मचारीको पिरमर्का र गुनासोको बारेमा जानकारी लिएका हुन् ।

प्रहरी कार्यालयमा कार्यरत र फिल्डमा खटिदा हुने समयमा र अन्य पिरमर्काको समस्या समाधानका लागि आज एसपी कार्कीले छलफल गरेको जिल्ला प्रहरी कार्यालय बाँकेले जानकारी दिएको छ।

महिला प्रहरी कर्मचारीको पिरमर्काको गुनासो सुन्दै एसपी कार्कीले समस्या समाधानका उपाय खोजिने बताउँदै जिम्मेवार भएर कार्य गर्न निर्देशन दिएका थिए। महिला प्रहरी कर्मचारीको समस्या पहिलादेखि नै रहेको हुँदा जिल्ला प्रहरी बाँकेले त्यस्ता समस्याको समाधान गर्ने जानकारी दिएको हो।

आज जिल्ला प्रहरी कार्यालयमा गरिएको छलफलमा एसपी कार्कीसहित महिला प्रहरी अधिकृत इन्स्पेक्टर शिवा थापा, जुनियर प्रहरी अधिकृत लगायत महिला अन्य महिला प्रहरी कर्मचारीको सहभागिता रहेको थियो। 

 

प्रकाशित मिति:
प्रतिक्रिया दिनुहोस्