नेपालगन्जबाट हराएको झण्डै ५ लाखको सामान फेला पारेर बुझायो जिल्ला प्रहरी बाँकेले

नेपालगन्ज । नेपालगन्जमा हराएको भारतीय नागरिकको झण्डै ५ लाख रुपैयाँ बराबरको सामान फेला पारेर प्रहरीले सम्बन्धित धनीलाई जिम्मा लगाइएको छ।

फागुन ४ गते राति साढे ९ बजे भारतको अयोध्याबाट नेपालगन्ज हुँदै सुर्खेत जाने क्रममा अयोध्याका २४ वर्षीय युवक अंकित तिवारीको ४ लाख ९६ हजार रुपैयाँ बराबरको हराएको विभिन्न जिन्सी सामान नेपालगन्जस्थित पुष्पलाल चोकमा भेटिएको थियो।

तिवारीको साथबाट हराएका डेल कम्पनीको एउटा ल्यापटप, एक थान सोनीको भिडियो क्यामेरा, सोनीकै एक थान डिएसएलआर क्यामेरा र सबै सामान राखिएको रातो सुटकेश फेला पारेर नेपालगन्ज-११ का ३२ वर्षीय मेराज शाहले सोमबार जिल्ला प्रहरी कार्यालयमा हस्तान्तरण गरेका थिए। 

मेराजले हस्तान्तरण गरेको सबै सामानलाई आबश्यक प्रक्रिया पूरा गरेर जिल्ला प्रहरी बाँकेका प्रहरी नायब निरीक्षक लक्ष्मी प्रसाद कँडेलले सामान धनी युवक तिवारीलाई सबै सामान जिम्मा लगाइएको जिल्ला प्रहरी कार्यालय बाँकेले जानकारी दिएको छ।