६ जना मृत अवस्थामा भेटिए

काठमाडौँ । देशभरका विभिन्न स्थानबाट ६ जना मृत अवस्थामा फेला परेका छन् । प्रहरी प्रधान कार्यालय अनुसार सुनसरीको धरान उपमहानगरपालिका-६ सुनौलो बस्तीका ४२ वर्षीय रोशन विश्वकर्मा आफ्नै घरमा मंगलबार मृत अवस्थामा फेला परेका छन् । 

त्यसैगरी गोरखाको अजिरकोट गाउँपालिका-४ थरथरे भिर पाखामा सोही गाउँपालिका-२ खरिबोट सिरानडाँडा बस्ने ८० वर्षीय छेङि लामा मृत अवस्थामा फेला परेको प्रहरीले जानकारी दिएको छ।

प्रहरीका अनुसार इलामको माङसेबुङ गाउँपालिका-३ फुलुङगेस्थित माईखोलामा सोही गाउँपालिका-२ पावा बस्ने ७१ वर्षीय लालमान राई मंगलबार मृत अवस्थामा फेला परेका छन् । 

झापाको कमल गाउँपालिका-४ चुलाचुलि मोडस्थित नालाको डिलमा सोही गाउँपालिका(३ बस्ने ३६ वर्षीय अर्जुन लिम्बु मंगलबार मृत अवस्थामा फेला परेका छन् । 

सुर्खेतको वीरेन्द्रनगर नगरपालिका-१० बस्ने ४७ वर्षीय दिनेश कुमार पुरी आफ्नै घरमा बुधबार मृत अवस्थामा फेला परेका छन् । 

त्यसैगरी धनकुटाको साँगुरीगढी गाउँपालिका-६ मालबाँसेस्थित जंगलको घोर्ले भिरमा सुनसरी धरान उपमहानगरपालिका-१२ चतारा लाइन बस्ने ५७ वर्षीया सन्च माया तामाङ बुधबार मृत अवस्थामा फेला परेको प्रहरी प्रधान कार्यालयले जनाएको छ।