सई प्रविण डिसी पुलिस अफ द मन्थ घोषित

नेपालगन्ज । प्रहरी नायब निरीक्षक (सई)  प्रवीण डिसी जिल्ला प्रहरी कार्यालय बाँकेकै उत्कृष्ट कर्मचारी घोषित भएका छन् ।

जिल्ला प्रहरी कार्यालय बाँकेमा कार्यरत सई डिसीले गरेको उत्कृष्ट कार्यकै कारण माघ महिनाको 'पुलिस अफ द मन्थ' घोषित गरिएको जिल्ला प्रहरी कार्यालय बाँकेले जानकारी दिएको छ। 

बाँके प्रहरीको माघ महिनाको 'पुलिस अफ द मन्थ'  बनेका सई डिसीले संगठनले दिएको जिम्मेवारी तथा पदिय दायित्वलाई ईमान्दारी कर्तव्यनिष्ठ एवं प्रशंसनिय ढंगबाट सम्पादन गरेकोले उत्कृष्ट कर्मचारी घोषित गर्दै बाँके प्रहरी प्रमुख प्रहरी उपरीक्षक (एसपी) तुलबहादुर कार्कीले प्रशंसापत्रले सम्मान गरेका हुन् । 

त्यस्तै जिल्ला प्रहरी बाँकेले प्रहरी जवान तिल बहादुर कार्कीलाई पनि माघ महिनाको उत्कृष्ट कर्मचारी घोषित गरेको छ। संगठनले दिएको जिम्मेवारी उनले उत्कृष्ट तरिकाले पूरा गरेको जिल्ला प्रहरी कार्यालय बाँकेले जनाएको छ।