लाइसेन्स परीक्षाका नक्कली परीक्षार्थीसहित परीक्षा दिन लगाउने पक्राउ

काठमाडौं । प्रहरीले सवारी चालक अनुमतिपत्र (लाइसेन्स) परीक्षामा सहभागी भएका नक्कली परीक्षार्थीसहित परीक्षा दिन लगाउने तीन जनालाई पक्राउ गरेको छ।

कञ्चनपुरस्थित यातायात व्यवस्था कार्यालयले लिएको लाइसेन्स परीक्षामा बेदकोट नगरपालिका-६ का सुवास डगौराको नाममा परीक्षा दिने बेदकोट- ५ का अस्मित डगौरा रहेको जिल्ला प्रहरी कार्यालय  कञ्चनपुरले जानकारी दिएको छ।

प्रहरीका अनुसार परीक्षा दिन लगाउने सुवास डगौरा र प्रयोगात्मक परीक्षामा अरुको नाममा फर्जी हाजिर लगाइ परीक्षा दिने भीमदत्त नगरपालिका-६ का अमरसिंह धामीलाई पनि पक्राउ गरिएको हो। उनीहरुले अरु दुईजनाको हाजिर गरी परीक्षा दिएकाले प्रहरीको सहयोगमा पक्राउ गरी कञ्चनपुर प्रहरी कार्यालयको जिम्मा लगाइएको यातायात व्यवस्था कार्यालय कञ्चनपुरका प्रमुख तर्कराज भट्टले बताए । 

पक्राउ परेका दुबै जनाले फर्जी हाजिरी गरी परीक्षामा सहभागी भएको कार्यालय प्रमुख भट्टले बताए। कारबाहीको लागि जिल्ला प्रहरी कार्यालयको जिम्मा लगाइएको प्रमुख भट्टले जानकारी दिए । जिल्ला प्रहरी कार्यालयले पक्राउ परेकाहरुको बारेमा थप अनुसन्धान भइरहेको जनाएको छ । 

पक्राउ परेका तिनै जनामाथि अनुसन्धान भइरहेको छ,” निरीक्षक जोशीले भने “अनुसन्धान सकिएपछि मात्रै उनीहरुलाई कुन शीर्षकमा मुद्दा लाग्छ त्यसबारे निर्णय लिन्छौँ ।” थप अनुसन्धानका क्रममा रहेको प्रहरीले जानकारी दिएको छ।

.