मोटरसाइकल दुर्घटनामा तुलसीपुर उपमहानगरका कर्मचारीको मृत्यु

दाङ । दाङको तुलसीपुर उपमहानगरपालिकाका एक कर्मचारीको मोटरसाइकल दुर्घटनामा मृत्यु भएको छ।दुर्घटनामा मृत्यु हुनेमा  उपमहानगरपालिकाको सरसफाई शाखामा कार्यरत तुलसीपुर उपमहानगरपालिका- २ का ३५ बर्षीय कबिराम चौधरी रहेका छन् ।

प्रहरीले दिएको जानकारी अनुसार चौधरीको उपचारका क्रममा बाँकेको नेपालगञ्ज नर्सिङ होममा मृत्यु भएको हो ।

इलाका प्रहरी कार्यालय तुलसीपुरका प्रहरी प्रबक्ता प्रहरी निरीक्षक सुर्य राना मगरका अनुसार बिहीबार बिहान २ बजेतिर उनको मृत्यु भएको बताए । मृतक चौधरी मोटरसाइकलको पछाडि सवार थिए ।

तुलसीपुर-६ का वडाध्यक्ष दुजमान भण्डारीका अनुसार चौधरी उपमहानगरको सरसफाई शाखामा कार्यरत कर्मचारी रहेको जानकारी दिएका छन् ।

मोटरसाइकल चालक तुलसीपुर उपमहानगरपालिका- ८ का ४८ बर्षीय लक्ष्मिप्रशाद थारुको पनि नेपालगञ्जमै उपचार जारी रहेको छ ।

तुलसीपुरबाट पश्चिम तर्फ जाँदै गरेको थारुले हाँकेको रा ४ प ४४१० नम्रबरको मोटरसाइकल बेलुकी सवा ७ बजेतिर तुलसीपुर-८ चमिखोलमा अनियन्त्रित भइ दुर्घटनामा परेको थियो । दुर्घटनाका घाइते दुबै जनाको तुलसीपुरस्थित राप्ती प्रादेशिक अस्पतालमा उपचार पछि थप उपचारका लागि दुबैलाई बाँके रिफर गरिएको थियो ।