धनगढीको होटेलमा अनैतिकता क्रियाकलाप गर्ने ४ जना पक्राउ

धनगढी । होटेलमा अनैतिक क्रियाकलाप गरेको आरोपमा प्रहरीले कैलालीमा ४ जनालाई पक्राउ गरेको छ।

कैलाली प्रहरीले धनगढी उपमहानगरपालिका-७ मनोहरास्थित एक होटेलबाट अनैतिक क्रियाकलापमा संलग्न रहेको आरोपमा ४ जनालाई पक्राउ गरेको जनाएको छ।

प्रहरीका अनुसार होटेलबाट पक्राउ पर्नेमा बर्दियास्थित ठाकुरबाबा नगरपालिका-१ का ४५ वर्षीय पुरुष, कञ्चनपुरको भिमदत्त नगरपालिका १० का ३२ वर्षीय पुरुष,  बाजुरा जिल्लाका २१ वर्षीय युवती र कैलालीको धनगढी उपमहानगरपालिका १८ बस्ने १८ वर्षीया एक किशोरी रहेका छन् । पक्राउ परेका सबैको नाम र ठेगाना प्रहरीले गोप्य राखेको छ ।

प्रहरीले चारै जनालाई पक्राउ गरेर थप अनुसन्धान गरिरहेको जानकारी दिएको छ।