१४ वर्षीया बालिकालाई बलात्कार गरेको आरोपमा २२ वर्षीय युवक पक्राउ

बझाङ। प्रहरीले १४ वर्षीया बालिकालाई बलात्कार गरेको आरोपमा एक युवकलाई पक्राउ गरेको छ।

पक्राउ पर्नेमा  बझाङको जयपृथ्वी नगरपालिका-१० चैनपुर डेरा गरी बस्ने मष्टा गाउँपालिका-४ घर भएका २२ वर्षीय विवेक उपाध्याय रहेको प्रहरीले जनाएको छ।

विवेकले ती बालिकालाई बलात्कार  गरेको भन्ने उजुरीको आधारमा जिल्ला प्रहरी कार्यालय बझाङबाट खटिएको प्रहरीले उनलाई पक्राउ गरेको हो । 

यस सम्बन्धमा प्रहरीले थप आवश्यक अनुसन्धान गरिरहेको जानकारी दिएको छ।