एआईजी भट्टराईसहित १५ जना प्रहरी अधिकृतले लगाए दर्ज्यानी चिन्ह

काठमाडौं।  प्रहरी प्रमुख बसन्त बहादुर कुँवरले एआईजी जनक भट्टराईसहित बढुवा भएका  १५ जना प्रहरी अधिकृतहरूलाई दर्ज्यानी चिन्ह प्रदान गरेका छन्।  

मन्त्रिपरिषद् बैठकको फागुन २१ गतेको निर्णयअनुसार डीआइजीबाट एआईजीमा बढुवा भएका भट्टराईलाई प्रहरी प्रमुख कुँवरले दर्ज्यानी चिन्ह प्रदान गरेका हुन् ।

त्यस्तै  गृह मन्त्रलाय (सचिवस्तर) को फागुन २० गतेको निर्णयअनुसार प्राविधिक इन्स्पेक्टरबाट डीएसपीम बढुवा भएका १ जना र वरिष्ठ सईबाट इन्स्पेक्टरमा बढुवा भएका १३ जना गरी जम्मा १५ जना प्रहरी अधिकृतहरूलाई आज दर्ज्यानी चिन्ह प्रदान गरिएको हो।

दर्ज्यानी चिन्हद्वारा सुशोभित हुनेहरूमा भट्टराई, प्राविधिक डीएसपी डा. बिदुर प्रसाद आचार्य तथा इन्स्पेक्टरहरु  चन्द्रकला शर्मा सुवेदी, सगुन लोहला, उमेश कुमार चौधरी, राजकुमार श्रेष्ठ, बुद्धिमान दोङ (तामाङ), श्याम बहादुर बलायर, हरि बहादुर थापा, अशोक कुमार गुप्ता, नारायण कुमार योगी, काजीमान लामा, कुबेर न्यौपाने, लोकेन्द्र सिंह धामी र सन्तोष थापा मगर रहेका छन्  ।