नेभिगेशन
नेपाल प्रहरी

१० लाख बढी जापनिज यन र अमेरिकी डलरसहित चिनियाँ र नेपाली पक्राउ

काठमाडौ। प्रहरीले त्रिभुवन अन्तर्राष्ट्रिय विमानस्थलबाटअवैध रुपले लैजान लागिएकोविदेशी मुद्रासहित दुई जनालाई पक्राउ गरेको छ।

विमानस्थलको  अन्तर्राष्ट्रिय उडानतर्फको प्रस्थान होल्ड ब्यागेज चेकिङ एरियाबाट अवैध रूपमा लुकाई छिपाई विदेश  लैजान लागेको विदेशी मुद्रा सहित २२ वर्षीय चिनियाँ नागरिक मेइ होन ह्याउ र काठमाडौं महानगरपालिका-१० घर भएका ३२ वर्षीय सनिम राज ढकाललाई प्रहरीले पक्राउ गरेको हो।

फ्लाई दुबईको उडानद्वारा काठमाडौंबाट युएई जान लागेका चिनियाँ नागरिकलाई १० लाख ४२ हजार जापानिज यन र ५ सय ८० अमेरिकी डलर तथा एयर इन्डियाको उडानद्वारा काठमाडौंबाट दिल्ली जान लागेका सनिम राजलाई ७ हजार ५ सय अमेरिकी डलर सहित फेला पारी पक्राउ गरेको प्रहरी प्रधान कार्यालयले जनाएको छ।

पक्राउ परेका उनीहरूलाई आवश्यक अनुसन्धान र कारवाहीको लागि राजश्व अनुसन्धान विभाग हरिहरभवन पुल्चोक पठाइएको प्रहरी प्रधान कार्यालयले जानकारी दिएको छ।

प्रकाशित मिति:
प्रतिक्रिया दिनुहोस्