विपद्जन्य घटनामा झापामा १३ जनाको मृत्यु, १३ करोड बढीको क्षति

कोशी । कोशी प्रदेशस्थित झापा जिल्लामा विपद्जन्य घटनाबाट १५ जनाको मृत्यु भएको छ भने १३ करोड रुपैयाँ भन्दा बढीको क्षति भएको छ । 

चालु आर्थिक वर्षको साउनदेखि हालसम्ममा बाढी, आगलागी, हावाहुरी र चट्याङजस्ता विपद्जन्य घटनाका कारण १५ को मृत्यु र  १३ करोड ७२ लाख ८४ हजार ९ सय रुपैयाँको क्षति भएको जिल्ला प्रहरी कार्यालयका प्रवक्ता कृष्णबहादुर चन्दले बताए । 

हावाहुरीबाट दुई करोड ७६ लाख ४० हजार, बाढीबाट  एक करोड ५० लाख, आगलागीबाट  ९ करोड ८३ लाख ६ सय र चट्याङले ८ लाख ४४ हजार ३ सय बराबरको भौतिक क्षति भएको छ । 

त्यस अवधिमा बाढीबाट ९ जनाको मृत्यु र एक बेपत्ता, आगलागीबाट ३ मृत्यु, २३ जना घाइते र चट्याङ लागेर ३ जनको मृत्यु, ३ जना घाइते भएका प्रवक्ता चन्दले जानकारी दिएका छन् ।