जिल्ला समन्वय समिति प्रमुख गौतम पक्राउ

काठमाडौं । बैँकिङ कसुरको आरोपमा प्रहरीले जिल्ला समन्वय समिति काभ्रेपलाञ्चोकका प्रमुखलाई पक्राउ गरेको छ।

पक्राउ पर्ने प्रमुख दीपककुमार गौतम हुन् । गौतमलाई काठमाडौंस्थित प्रहरी वृत्त, बानेश्वरले बैँकिङ कसुरको आरोपमा पक्राउ गरेको हो।  

जिसस प्रमुख गौतमविरुद्ध बैंकिङ कसुरसम्बन्धी ३ वटा जाहेरी परेको प्रहरीले जानकारी दिएको छ । जिल्ला प्रहरी परिसर काठमाडौँका अनुसार हाल गौतमलाई आज बिहान बैंकिङ कसुर मुद्दामा पक्राउ गरिएको हो। 

पक्राउ परेका गौतमसँग थप अनुसन्धान भइरहेको प्रहरी परिसर काठमाडौंले जनाएको छ।