घाइते भएका प्रहरी र सशस्त्र प्रहरीतर्फका ७१ जना डिस्चार्ज

काठमाडौं । काठमाडौंको तीनकुनेमा राजावादी समूहले शुक्रबार गरेको प्रदर्शनमा सुरक्षाकर्मीतर्फ घाइते भएकामध्ये ७१ जना अस्पतालबाट डिस्चार्ज भएका छन् । 

नेपाल प्रहरीले दिएको जानकारी अनुसार प्रहरीका ५० जना र सशस्त्र प्रहरीका २१ जना सुरक्षाकर्मी आज डिस्चार्ज भएका हुन् । त्यस्तै प्रहरीका घाइते भव्का थप ५ जना र सशस्त्र प्रहरीका १ जनाको अझै उपचार जारी रहेको प्रहरीले जानकारी दिएको छ।

प्रदर्शनका क्रममा राजावादी समूहतर्फ घाइते भएका ५१ जनामध्ये ३५ जना डिस्चार्ज भएका छन् भने अन्यको उपचार जारी रहेको प्रहरीले जनाएको छ।