बर्दियाबाट ठुलो परिमाणमा भन्सार छलीका अवैध कपडा बरामद

बर्दिया । बर्दियाबाट प्रहरीले भन्सार छली गरेर ल्याइएको अवैध लत्ताकपडा लगायतका सामाग्री बरामद गरेको छ। जिल्ला प्रहरी कार्यालय मातहत रहेको चेपाङबाट खटिएको टोलीले १ लाख २६ हजार ५ सय रुपैयाँ बराबरको अवैध सामाग्री बरामद गरेको हो।

जिल्ला प्रहरी कार्यालय बर्दियाका अनुसार बाँसगढी नगरपालिका-१ चेपाङस्थित रत्न राजमार्ग सडकखण्डमा भन्सार छली गरेर ल्याइएको १ सय २ थान लेडिज तथा जेन्ट्स कपडा, १२ थान स्टिलका कप,२ थान प्रेसर कुकर लगायतका सामाग्री बरामद गरिएको हो। 

बर्दिया प्रहरीले मंगलबार बरामद गरेको १ लाख २६ ५ सय रुपैयाँँ बराबरको सबै अवैध सामाग्रीलाई आबश्यक कारबाहीका लागि आज बर्दिया भन्सार कार्यालय बुझाएको जनाएको छ।

त्यसैगरी प्रहरीले गुलरिया नगरपालिका-११ गणेशपुर वाईपासबाट भारतबाट ल्याइएको ठुलो परिमाणको पिए पदार्थ बरामद गरेको हो। बरामद गरिएको सबै पिए पदार्थलाई पनि जिल्ला प्रहरी कार्यालय बर्दिया भन्सार कार्यालय बुझाएको जनाएको छ।