नगद २० लाख रुपैयाँसहित तिब्बती महिला पक्राउ

काठमाडौं । साढे २० लाख बद नगदसहित प्रहरीले एक जना चिनियाँ महिलालाई पक्राउ गरेको छ।

प्रहरीले  काठमाडौं महानगरपालिका-२७ महाबौद्धबाट चिनियाँ महिलालाई २० लाख ९२ हजार नगदसहित पक्राउ गरेको जिल्ला प्रहरी परिसर काठमाडौंले जानकारी दिएको छ।

परिसरका अनुसार पक्राउ पर्नेमा तिब्बत घर भई काठमाडौंको बौद्ध बस्‍ने २६ वर्षीया रिक्शी वाङ्मो रहेकी छन्। प्रहरीले वाङ्मोबाट एक हजार दरको ११ लाख ८३ हजार रुपैयाँ र ५ सय दरको ९ लाख ९ हजार रुपैयाँ बरामद भएको हो।

वाङ्मोलाई प्रहरी वृत्त जनसेवाबाट खटिएको टोलीले उनलाई बुधबार पक्राउ गरेको हो भने उनीमाथि काठमाडौं जिल्ला अदालतबाट ४ दिनको  म्याद लिएर थप अनुसन्धान अघि बढाएको जिल्ला प्रहरी परिसर काठमाडौंले जानकारी दिएको छ।