सिरियास्थित नेपाली शान्ति सेनाको अदलीबदली, नेपालबाट गए २०२ सैनिक सिरिया

काठमाडौं । सिरियामा तैनाथ रहेको नेपाली शान्ति सैनिकहरुलाई अदलीबदली गरिएको छ। 

संयुक्त राष्ट्रसंघको आह्वानमा शान्ति स्थापना लागि सिरियामा प्रमुख सेनानी रविजंग खड्काको नेतृत्वमा  २ सय २ जना नेपाली शान्ति सैनिकहरू सिरिया प्रस्थान गरेको नेपाली सेनाले जनाएको छ।

सिरियामा यसअघि सोही मिसनमा रहेको प्रमुख सेनानी दिनेश खड्काको नेतृत्वमा रहेको १ सय ९७ जना शान्ति सैनिकहरू बिहीबार नै स्वदेश फिर्ता भएको नेपाली सेनाले जानकारी दिएको छ। प्रमुख सेनानी रविजंग खड्काको टोली बिहीबार नै नेपालबाट सिरिया प्रस्थान गरेको थियो।

संयुक्त राष्ट्रसंघको आह्वानमा शान्ति स्थापना लागि सिरियामा हाल ४ सय ४८ जना शान्ति सैनिकहरु कार्यरत रहदै आएका छन् ।