३ मिनेटको अन्तरमा जाजरकोट केन्द्रविन्दु बनाएर गयो भूकम्प

काठमाडौँ । भूकम्पले थलिएको जाजरकोटमा फेरि तीन मिनेटको अन्तरमा दुई ठूला भूकम्प गएको छ ।

तीन मिनेटको अन्तरमा भूकम्पका दुई ठूला धक्का गएका हुन् । जाजरकोट केन्द्रविन्दु भएर राति ८ बजेर ७ मिनेट तथा ८ बजेर १० मिनेटमा दुई ठूला धक्का गएको भूकम्पविद् भरत कोइरालाले जानकारी दिएका छन्  । 

राति ८ बजेर ७ मिनेट जाँदा गएको पहिलो धक्का ५ दशमलव २ रेक्टर स्केलको थियो । त्यस्तै त्यसको तीन मिनेटमा गएको अर्को धक्का ५ दशमलव ५ रेक्टर स्केलको थियो । 

यसको धक्का वरिपरिका धेरै जिल्लामा महसुस गरिएको थियो । राष्ट्रिय भूकम्प मापन तथा अनुसन्धान केन्द्रले यसको निरन्तर अनुसन्धान गरिरहेको जनाएको छ । 

उसले पहिलो भन्दा दोस्रो भूकम्पको धक्का ठूलो भएकाले अझ ठूलो पनि आउने हो कि भन्ने शंका व्यक्त गरेको छ । थप विवरण आउँन बाँकि ।